Bota
Propozimi në Berlin, 1 € bileta ditore e transportit publik
Biletat vjetore të transportit publik për Berlinin duhet të kushtojnë 365 euro sikurse në kryeqytetin austriak, Vjenë, sipas kryetarit Michael Müller
Michael Müller tha se ai ishte “frymëzuar” nga sistemi i biletave të transportit publik të Vjenës dhe tha se Berlini mund të mësonte diçka nga ajo.
“Unë dua të ndjek hapin për të qenë në gjendje të ofroj një biletë vjetore për transportin publik lokal për 365 euro”, tha ai gjatë një panel diskutimi nga gazeta zvicerane Neue Zürcher Zeitung (NZZ).
Diskutimi, i cili përfshinte ndarjen e ideve në qytete të ndryshme, u zhvillua midis kryebashkiakut të Cyrihut, Corine Mauch, kryebashkiaku i Vjenës, Michael Ludëig dhe Müller i Berlinit, përcjell albinfo.ch.
Biletat vjetore për sistemin S-Bahn, U-Bahn, autobus dhe tramvaj në Berlin aktualisht kushtojnë 728 € ose 761 € në varësi të mënyrës së pagesës. Por ka pasur thirrje të përsëritura për të zvogëluar në mënyrë drastike çmimin e biletave.
Në fillim të vitit të kaluar, Iniciativa Qytetet e Larta, e themeluar nga aktivisti i trafikut në Berlin, Heinrich Strößenreuther, filloi një peticion mbarëkombëtar që bën thirrje që bileta vjetore të reduktohet në 365 euro në vit.
Ai argumentoi se qeveria mund të financonte këtë iniciativë duke rialokuar subvencionet e naftës në të. Peticioni është nënshkruar nga më shumë se 32,000 njerëz.
Pesë qytete gjermane – Bonn, Essen, Herrenberg, Mannheim dhe Reutlingen – janë rezervuar për të ofruar bileta të transportit dukshëm më të lirë, me qeverinë e gatshme për të subvencionuar projektet me 128 milionë euro për të ndihmuar në mbulimin e mungesës së të ardhurave.
Në Vjenë, qeveria e qytetit uli çmimin për biletat vjetore, të cilat paguhen paraprakisht, nga 449 në 365 euro në maj 2012.
Efektet janë pozitive: numri i biletave vjetore të shitura, që ishte 303,000 më 2005 dhe rreth 373,000 në vitin 2012, është rritur ndjeshëm. Vitin e kaluar, kompania që drejton transportin lokal, Wiener Linien, e vë këtë shifër në 822,000.
Me krenari është vënë në dukje se tani ka më shumë bileta vjetore të shitura në Vjenë sesa ka makina, përcjell tutje albinfo.ch.
Gjithashtu, numri i udhëtarëve që përdorin transportin publik është rritur – nga rreth 875 milionë në vitin 2012 në 961 milionë në vitin 2017.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?