Futbollisti Florent Muslija vlerësohet lart në Hannover

Futbollisti kosovar, Florent Muslija, është duke u vlerësuar lart te skuadra e Hannoverit.
Trajneri i ekipit elitar të Gjermanisë, Mirko Slomka, ka thënë se Muslija është duke u paraqitur mirë gjatë ndeshjeve përgatitore për edicionin e ri të Bundesligës.
“Kur Flo është në lojë, ai paraqitet shumë mirë”, ka thënë Slomka, transmeton albinfo.ch. Muslija të dielën realizoi gol të bukur për Hannoverin që fitoi 2:1 në miqësore ndaj skuadrës ruse Rostov. Ai është futbollist që luan në shumë pozita ofensive. Futbollisti 21-vjeçar muajin e kaluar vendosi ta përfaqësojë Kosovën dhe pritet të jetë për ndeshjet e radhës një armë e fortë për “Dardanët”.
Armë e fortë pritet të jetë edhe për klubin gjerman.
“Muslija është lojtar kreativ. Kur Flo punon dhe ka të tjerë rreth tij që punojnë, ata shtyjnë para njëri-tjetrin”, ka shtuar Slomka.