Lajme
Pritet një valë e dytë e të nxehtit në Evropë
Rikthehet i nxehti në Europë
Pas një frymëmarrjeje të shkurtër pas valës së të nxehtit që përvëloi Europën, muajin e shkuar, parashikimet thonë se temperaturat do të rriten përsëri javën e ardhshme, si në Francë, Gjermani, Austri, Britani e Madhe, Norvegji, Holandë, Spanjë dhe Portugali.
Meteo-France tha se mund të jemi duke shkuar drejt një vale të dytë të nxehtit, por parashikimet nuk janë ende përfundimtare. Agjencia tha se do të vazhdojë të monitorojë ndryshimet e motit dhe tendencat, që në mënyrë të vazhdueshme ndryshojnë, gjatë ditëve në vijim.
Valë të nxehti klasifikohen shumë ditë radhazi me temperatura jonormalisht të larta. Meteo-France paralajmëroi sidoqoftë se mërkuri do të fillojë të ngjitet këtë fundjavë në Francë dhe në shumë vende të tjera dhe të enjten e ardhshme do të arrijë në 35 gradë celsius.
E mërkura dhe e enjtja e javës së ardhshme do të jenë ditët më të nxehta me temperaturat maksimale që mund të arrijnë deri në 40 gradë celsius. Në fund të javës së ardhshme priten disa stuhi, por të lokalizuara, shkruan Top Channel.
Edhe pse Franca është vendi i vetëm që zyrtarisht ka njoftuar për ardhjen e kushteve të nxehta të motit, parashikimet e ekspertëve dhe agjencive të tjera të motit tregojnë se edhe vendet e tjera të Europës do të regjistrojnë temperatura ekstremisht të larta.
Në fund të qershorit, moti ekstremisht i nxehtë bëri që të thyheshin disa rekorde, me Francën që kaloi kufirin e 45 gradëve celcius për të parën herë dhe me Gjermaninë, Austrinë, Republikën Çeke etj., që shënuan temperaturat më të larta në histori për muajin qershor.
Pas qershorit, shkencëtarët thonë se edhe korriku i ka të gjitha gjasat që të jetë korriku më i nxehtë i regjistruar ndonjëherë.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale