Kosova
Detajet e organizimit të manifestimeve “Ditët e Diasporës”
Koncerti do të mbahet në sheshin Skenderbeu në Prishtinë me fillim në orën 19:00
Edhe këtë vit Ministria e Diasporës e Kosovës ka bërë të gjitha përgatitjet për aktivitetet “Ditët e Diasporës”, të cilat nisin më 20 korrik.
Elis Badalli, këshillëtar i ministrit Dardan Gashi, tha për Radio Kosovën se më 1 gusht do të mbahet manifestimi qendror, ku është organizuar një koncert i përgjithshëm për mërgatën në Prishtinë. Koncerti do të mbahet në sheshin “Skenderbeu” në Prishtinë, me fillim në orën 19:00, përcjell albinfo.ch.
“Aktiviteti i parë fillon më 20 korrik, në një shkollë verore me fëmijët nga diaspora, një mësim joformal, ku nxënësit do të mund të shkëmbejnë përvojat e tyre. Më pas aktivitetet do të zhvendosen në Komunën e Prishtinës, me Panairin Tradicional për Diasporën, panair i organizuar çdo vit por këtë radhe në bashkëpunim me Komunën e Prishtinës. Ky panair, i cili do të mbahet në sheshin “Skenderbeu”, fillon më 24 korrik dhe mbaron më datë 27 korrik. Pas panairit, më 26 korrik do të organizohet Sofra Tradicionale, në të cilën do të performojnë edhe ansamble të ndryshme, grupe folklorike, ku do të gërshetohet gjithçka tradicionale. Në këtë sofër prezente do të jenë edhe bizneset me produktet e tyre vendore”.
Po ashtu edhe Ministria e Arsimit e Kosovës çdo vit organizon seminarin e saj tradicional në bashkëpunim me Ministrinë e Arsimit të Shqipërisë, i cili këtë vit do të mbahet në Prizren.
Këtë e bëri të ditur zëdhënësi i ministrisë, Valmir Gashi. Sipas tij, në këtë seminar, i cili do të mbahet nga 31 korriku deri më 3 gusht, do të zhvillohen aktivitete të ndryshme, të rëndësishme për mësimdhënësit shqiptarë në mërgatë.
“Numri i pjesëmarrësve që e kanë konfirmuar ardhjen i ka tejkaluar pritjet, mund të jenë diku mbi 130 mësimdhënës shqiptarë në diasporë. Nuk po flasim vetëm për Kosovën, por në përgjithësi për mësimdhënës shqiptarë, nga të gjitha trevat tona që punojnë me nxënësit tanë në diasporë”.
Ndërkaq më datë 1 gusht, ashtu siç e parasheh edhe Ligji për Diasporën, mbahet manifestimi qendror, ku është paraparë një koncert i përgjithshëm për mërgatën në Prishtinë. Koncerti do të mbahet në Sheshin Skenderbeu në Prishtinë me fillim në orën 19:00.
“Ditët e Diasporës” zyrtarisht do të mbyllen më 2 gusht ku bëhet edhe ndarja e çmimeve, Mërgimtari i Vitit, por nuk do të thotë që aktivitetet ndalen, pasi ato do të vazhdojnë deri në fund të muajit gusht.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Pse 1 Maji nuk është festë publike kudo në Zvicër? Dita Ndërkombëtare e Punëtorëve shënohet më 1 maj, por vetëm disa pjesë të Zvicrës e festojnë...
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm