Futboll
FFK-ja po i përgatit letrat për lojtarin që Kosovën nuk e ka opsion të vetëm
Dresheviq ka pasur një fillim të furishëm të edicionit në Holandë
Federata e Futbollit e Kosovës po e vazhdon punën për të afruar Ibrahim Dresheviqin në përfaqësuesen e Kosovës në futboll.
Dresheviq ka pasur një fillim të furishëm të edicionit në Holandë, duke realizuar dy gola të bukur në dy xhirot e para për Heerenveenin.
Mbrojtësi 22-vjeçar ka zënë vend dy herë rresht në ekipin e javës të kampionatit holandez dhe për të po parashikohet një edicion shumë i suksesshëm. Ai në janar ishte transferuar te Heerenveeni nga Elfsborgu suedez, ndërsa në pranverë kishte luajtur në gjashtë ndeshje kampionale.
Në maj ai vendosi të bashkohet me përfaqësuesen e Kosovës, ndërsa u ftua për dy ndeshjet e qershorit, me Malin e Zi e Bullgarinë. Por nuk mundi të luajë pasi nuk kishte dokumentacionin e kompletuar.
Nuk është plotësisht e sigurt nëse Dresheviq do të fitojë të drejtën të luajë për Kosovën edhe për ndeshjet e shtatorit, por mëdyshje ka krijuar edhe një deklaratë e tij e dhënë të hënën për mediat suedeze.
Për “fotbollskanalen.se” nuk është shprehur plotësisht i vendosur se do të luajë për Kosovën. Një ftesë eventuale nga Suedia do të mundë të ndryshonte gjërat.
Por në Federatën e Futbollit të Kosovës nuk kanë ndonjë dyshim për përkushtimin e Dresheviqit që të luajë për Kosovën shkruan Koha Ditore, përcjell Albinfo.ch.
Të ngjashme
Të tjera nga Futboll
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale