Nëna shqiptare mbytet në bregdetin italian, e bija shpëton

Pushimet verore kanë rezultuar fatale për një grua shqiptare

26-vjeçarja, emri i së cilës nuk bëhet i ditur, është nxjerrë nga deti në zonën e Matera pa shenja jete.

Sipas mediave italiane, ajo u vu re nga rojat bregdetare në ujë me vajzën e saj 6-vjeçare aty pranë. Ata u hodhën në det për ta shpëtuar, por ndërhyrja e tyre ishte e vonuar.

“Në Metaponto Lido, një grua me origjinë shqiptare e moshës 26 vjeçe dhe jo 35 vjeç, siç u mësua në fillim, me pushime me burrin dhe fëmijët, vdiq nga mbytja në ujë”, thuhet në njoftimin e policisë italiane.

Për momentin nuk dihen shkaqet që i morën jetën gruas, ndërsa vajza e saj ndodhet në një spital të Potenza jashtë rrezikut për jetën.

Menjëherë pas ngjarjes, dy rojat bregdetare u larguan nga puna, me arsyetimin e mungesës së ndihmës së parë ndaj pushuesve./ora/

---