Kosova
Kthehet vajza që u gjet në bagazhin e makinës në kufi me Serbinë
Katër ditë më parë u raportua për rastin e saj, ndërsa deri sot ajo po qëndronte në njërën nga Qendrat për Punë Sociale në Serbi
Vajza 9-vjeçare nga Podujeva, e cila u gjet nga policia kufitare serbe në Merdar, sot u është kthyer gjyshërve të saj, të cilët do të përkujdesen për të.
Lajmin e kanë konfirmuar për Periskopin nga Zyra ndërlidhëse e Kosovës në Serbi.
“E mitura është riatdhesuar në Kosovë. Krejt në rregull, në përkujdesje dhe kujdestari të gjyshërve”, thanë nga kjo zyrë.
Katër ditë më parë u raportua për rastin e saj, ndërsa deri sot ajo po qëndronte në njërën nga Qendrat për Punë Sociale në Serbi.
Daja i saj kishte tentuar ta nxirrte nga Kosova në Serbi përmes pikës kufitare në Merdar, në një formë të tmerrshme.
Mbesën e tij (vajzën e motrës) e kishte futur në bagazh, saktësisht në vendin e destinuar për gomën rezervë të veturës, ku edhe u gjet nga policia serbe.
Mediet serbe raportuan se vetura në të cilën po fshihej vajza ishte me targa të Gjermanisë, ndërsa po drejtohet nga një burrë 42 vjeç, shkruan Periskopi.
Gjatë inspektimit të rregullt, ata thanë se nuk kishin asgjë për të raportuar, por oficerët doganorë gjetën një vajzë nëntëvjeçare shqiptare të fshehur te vendi për gomën rezervë. Më pas policia gjeti në veturë dokumentet e vajzës, e cila është nga Podujeva.
Shoferi i veturës u ka thënë autoriteteve serbe se fëmija ishte i motrës së tij, e cila jeton në Gjermani, dhe ajo derisa po luante aksidentalisht ishte fshehur në bagazh.
Të dyshuarit janë arrestuar dhe me urdhër të Prokurorit janë dërguar në mbajtje për 48 orë, për të cilët më nuk ka ndonjë informacion.
9-vjeçarja ishte nisur në Gjermani për t’u bashkuar me nënën e saj. Vajza kishte katër vjet që po tentonte të siguronte dokumentet, por të gjitha tentimet kishin dështuar, përcjell Albinfo.ch.
Të ngjashme
Të tjera nga Kosova
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla