Lajme
OEK: Bizneset shqiptare në Serbi po shkatërrohen
Në një komunikatë për media, OEK thotë se me shqetësim është duke i përcjellë dukuritë vandale të shkatërrimit të bizneseve dhe pronave të shqiptarëve në Serbi
Djegia e bizneseve shqiptare gjithandej Serbisë, sidomos pas 14 tetorit kur u luajt ndeshje e futbollit Serbi-Shqipëri, ka nxitur reagime nga Oda Ekonomike e Kosovës (OEK), e cila kërkon nga autoritetet serbe që të garantoj liri të veprimtarisë për bizneset shqiptare.
Në një komunikatë për media, OEK thotë se me shqetësim është duke i përcjellë dukuritë vandale të shkatërrimit të bizneseve dhe pronave të shqiptarëve në Serbi.
“Jemi të mendimit se një qasje e tillë nuk është në frymën e normalizimit të raporteve në mes të Republikës së Kosovës dhe asaj të Serbisë e në veçanti nuk është në mbështetjen e marrëveshjeve të nënshkruara në Bruksel”, thuhet në një komunikatë lëshuar nga EOK.
Sipas Odës kosovare, pasuria është e shenjtë dhe është e drejtë e çdo qytetari që ta mbrojë. Megjithatë, këta të fundit kanë apeluar tek institucionet vendore dhe ndërkombëtare në Kosovë, si dhe në Serbi të bëjnë maksimumin në mbrojtjen e pasurisë dhe bizneseve shqiptare në Serbi.
“Promovojmë regjionin dhe për këtë duhet të eliminohen barrierat në mes shteteve anëtare, të avancohet dialogu dhe bashkëpunimi ekonomik, të depolitizohen proceset ekonomike se vetëm vula ekonomike mund të jetë garrancë e fuqizimit të marrëveshjeve politike”, thuhet në reagimin e OEK-së.
Oda Ekonomike e Kosovës vlerëson se skenat të cilat janë bërë në shtetin e Serbisë, si djegia dhe shkatërrimi i pasurisë së shenjët të shqiptarëve në Serbi janë skena të cilat nuk i bëjnë nder Serbisë në rrugëtimin evropian, e as “normalizimit të raporteve Kosovë-Serbi”.
Madje, sipas EOK-së, kjo sjellje është njollë edhe karshi investitorëve të huaj dhe përmirësimit të imazhit të Ballkanit Perëndimorë të cilat do të de motivojnë edhe më tepër investohet e huaj.
Pas përfundimit të dhunshëm të lojës Serbi-Shqipëri, grupe huliganësh serbe kanë sulmuar pasuritë dhe bizneset shqiptare në Serbi. Cak kanë qenë furrat në disa qytetet, por edhe objektet të tjera hoteliere si dhe kafenetë. Kjo ka ndodhur për faktin se në kombëtaren e Shqipërisë, gjysma e lojatareve janë nga Kosova.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)