Bie çmimi i banesave dhe i qirave

Çmimi i banesave dhe i qirave ka rënë dukshëm në Shqipëri. Sipas statistikave çmimi i banesave ka rënë për 5. 8 për qind, ndërsa i qirave për 17 për qind

Indeksi i çmimit të banesave ka shënuar një rënie të ndjeshme prej 5.8 për qind në tremujorin e tretë të këtij viti, ndërkohë që ai i qirave ra për 17 për qind. Sipas të dhënave të fundit të Bankës së Shqipërisë, kjo është rënia më e madh e shitjes së apartamenteve dhe e qirave në pesë vjetet e fundit.

Sipas këtyre statistikave, çmimi i banesave është e krahasueshme me rënien mesatare të këtij indeksi gjatë tri viteve të fundit, ndërsa indeksi i qirasë regjistroi rënie reale me 17 për qind në këtë tremujor.

“Kjo ishte rënia më e theksuar që nga tremujori i fundit i vitit 2009″, thekson në raport Banka e Shqipërisë. Raporti shpjegon se zhvillimet janë ndikuar nga kërkesa e dobët për blerje banese dhe nga oferta e shtuar për banesa me qira.