Lajme
Një shqiptar gjendet pa shenja jete në Gjermani
Një ngjarje tronditëse ka ndodhur në Gjermani, derisa hetimet janë duket vazhduar
Një ngjarje tronditëse ka ndodhur në Gjermani, ku një shqiptar është gjetur pa shenja jete, raportojnë mediat gjermane, përcjell albinfo.ch.
I riu është gjetur i vdekur në pyllin e qytetit Dölauer Heide në Halle. Hetuesit kanë kryer të gjitha veprimet dhe kanë zbuluar se viktima është një shqiptar 27-vjeçar.
“Bild” shkruan se viktima është Ismail P., i cili merrej me boks në ndeshje joprofesioniste. Ai njihej me nofkën “The King” (Mbreti).
“Bild” shkruan se grupi hetimor zhvilloi kontrolle të enjten në dhjetëra forca policie në pyllin e qytetit për të gjetur gjurmë të mëtejshme për vrasjen e të riut shqiptar. Trupi, i cili kishte plagë thike dhe armë, ishte fshehur nën gjethe në një kanal kullimi. I vdekuri u identifikua nga ADN-ja e tij.
Një hetues tha: “Autopsia zbuloi lloje të ndryshme dhune, duke përfshirë plagë me armë zjarri dhe plagë me thikë. Kjo e fundit është arsyeja e vdekjes”.
Ka dyshime se shqiptari është vrarë diku tjetër dhe më pas trupi i vdekur është dërguar në pyll.
Pas publikimit të rastit ka qenë një taksist që ka dhënë detaje për hetuesit. Ai ka rrëfyer se 4 ditë përpara se të gjendej trupi i të riut shqiptar e ka shoqëruar atë deri në afërsi të vendit të ngjarjes. Shqiptari i kishte thënë taksistit se do të takonte një mik dhe do të kthehej ndaj duhet ta priste.
Hetuesit thonë se autorët ia kishin dalë që ta tërhiqnin “Mbretin” jashtë qytetit. Taksisti tha se i viktima la një çantë me disa dokumente në veturë që t’i merrte kur të kthehej, por u gjet 4 ditë më vonë i mbuluar me dhe, dhe gjethe në pyll në afërsi të një kanali të ujërave të zeza.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter