Lajme
Përparim Avdili, kryetar i Komisionit për Financa në Asamblenë e Cyrihut
"Në radhë të parë është sidomos vlerësim nga ana e grupit parlamentar dhe partisë time që më ka propozuar për këtë post, pasi që u lirua vendi, sepse një koleg i partisë e ka braktisur mandatin”, thotë Avdili për albinfo.ch
Nga dita e djeshme, 23 tetor 2019, Komisioni për Financa në Asamblenë e Qytetit të Cyrihut ka një kryetar të ri. Ai është Përparim Avdili, i zgjedhur në prill të vitit të kaluar në këtë asamble si kandidat i FDP-së (Partia Liberale e Zvicrës).
Në komisionin e përmendur, Avdili, si punonjës bankar me profesion, bën pjesë nga maji vitit 2018, thotë ai për albinfo.ch.
Të përkujtojmë: Përparim Avdili është prej kohësh aktiv në FDP, ndërsa prej më shumë se një viti, edhe kryetar i saj për qarkun 9 të Cyrihut.
Ai është shqiptari i parë që deri tash ka arritur të zgjidhet në Parlamentin e qytetit të Cyrihut.
“Në radhë të parë është sidomos vlerësim nga ana e grupit parlamentar dhe partisë time që më ka propozuar për këtë post pasi që u lirua vendi sepse një koleg i partisë e ka braktisur mandatin”, thotë Avdili për albinfo.ch. Ndërsa posti i kryetarit i takon FDP-së si parti deri në maj 2020, sqaron ai më tutje. “Meqë i kam bindur me punën time të deritanishme, ata ma kanë besuar mua këtë përgjegjësi”.
Avdili është me profesion punonjës banke, ndërsa në politikën e Cyrihut dhe më gjerë ka bërë emër si politikan konsekuent në bindjet e tij liberale.
I lindur në vitin 1987 në rrethin e Kumanovës, Maqedoni, Avdili nga mosha njëvjeçare jeton në Zvicër, gjegjësisht në Cyrih.
Të ngjashme
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)