Loredana, këngëtarja më e mirë zvicerane për vitin 2019

Ava Max dhe Loredana ishin dy shqiptaret që u vlerësuan me çmim në MTV Ema.

Suksesi evropian i “Sweet but Psycho” u kurorëzua dje për Ava Max me çmimin “Best Push” në MTV Europe Music Awards 2019.

Këngëtarja me origjinë shqiptare dhe e lindur në SHBA arriti të mposhtë konkurrencën e Billie Eilish, H.E.R., Mabel dhe Rosalía, duke marrë një çmim të rëndësishëm për artistët e rinj në evenimentin më të rëndësishëm të muzikës në Evropë.

Ava ishte edhe një performuese në skenën e Seviljes, ku elektrizoi publikun me hitet e saj “Torn” dhe “Sweet but Psycho”.

Loredana ishte artistja tjetër shqiptare që u vlerësua në MTV Ema. Ajo u shpall si këngëtarja më e mirë zvicerane për vitin 2019, ndërkohë që në të njëjtën kategori ishte edhe shqiptarja tjetër Ilira.

Bebe Rexha, gjithashtu këngëtare me origjinë shqiptare, ishte nominuar në kategorinë “Bashkëpunimi më i mirë”, për këngën “Call You Mine” të publikuar me The Chainsmokers, por pa mundur të fitojë, shkruajnë mediat shqiptare, përcjell albinfo.ch.

---