Lajme
Kremtohet angazhimi i 150 shqiptaro-amerikanëve në policinë e Nju-Jorkut
“Sot jemi 150 policë shqiptarë në Nju Jork"
Është bërë e ditur se në policinë e Nju-Jorkut shërbejnë rreth 150 shqiptarë, të cilët kanë edhe shoqatën e tyre të quajtur “Illyria”.
Ata kremtuan angazhimin e tyre për ruajtjen e rendit në qytetin më të madh të Amerikës, të mbledhur në mjediset e Departamentit të Policisë së Nju-Jorkut.
Po ashtu, në këtë tubim u ndanë edhe çmime për policët më të dalluar të vitit.
“Ky çmim më bënë shumë krenar, jo vetëm për shqiptarët e grupit ‘Illyrian Society’, por është një çmim i madh dhe një simbol i mirë ta kesh”, tha për Zërin e Amerikës Amir Pali, pjesëtar i Policisë së Nju-Jorkut.
Siç njofton Zëri i Amerikës, ata thanë se angazhimi i shqiptaro-amerikanëve ia shton vlerat policisë amerikane.
Para 15 vjetësh, vetëm 20 shqiptaro-amerikanë ishin pjesë e policisë së Nju-Jorkut.
Ceremonia e shqiptaro-amerikanëve u organizua në kuadër të aktiviteteve të komunitetit shqiptaro-amerikan me rastin e 107-vjetorit të pavarësisë së Shqipërisë.
I themeluar më 23 maj të vitit 1845, Departamenti i Policisë së Nju-Jorkut është departamenti më i vjetër dhe më i madh në Shtetet e Bashkuara të Amerikës.
Tani numri i tyre është shumëfishuar.
“Sot jemi 150 policë shqiptarë këtu. Jemi lidhur bashkë të formojmë grupin ‘Illyrian Society’ që ta mbajmë në mend dhe ta ndihmojmë njëri tjetrin çdo ditë. Krenari e madhe është që jemi shqiptarë, që po festojmë sot këtu sepse familjet na mësuan, të flasim shqip, që ne jemi shqiptarë dhe të vdesim shqiptarë”, tha për Zërin e Amerikës, Lutfi Dalipi, kapiten në Policinë e Nju Jorkut.
Po ashtu në aktivitetin e parë të organizuar në selinë qendrore të policisë së Nju-Jorkut nga shoqata “Illyria” foli edhe komisionieri i policisë së Nju Jorkut, James O’Neill.
“Faleminderit për punën tuaj në ruajtjen e sigurisë në qytet. Ndërsa familjarët që janë këtu sonte, faleminderit për mbështetjen tuaj, sepse pa këtë mbështetje, puna do të ishte e pamundur. Sa herë që të afërmit tuaj në uniformë lënë shtëpinë, ju luteni që ata të kthehen shëndosh e mirë nga detyra. Faleminderit që jeni këtu. Ndërsa burrat dhe gratë në uniformë, faleminderit për punën që bëni çdo ditë. Ju e ndryshuat qytetin”, tha në fjalimin e tij Komisioneri i Policisë së Nju Jorkut, James O’Neill.
I pranishëm në tubim ishte edhe shqiptari i parë që mori titullin kapelan në Policinë e Nju-Jorkut, imam Tahir Kukaj. Ai tha se angazhimi i shqiptarëve në ruajtjen e rendit në Nju-Jork ia shton vlerat policisë së qytetit, përcjell albinfo.ch.
Të ngjashme
Të tjera nga Lajme
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen