Jeta në Zvicër
Akuzohet për abuzim pozite, dorëhiqet shefi zviceran i UNRWA-s
Veç tjerash ai akuzohet në vitin 2015 kishte krijuar një vend pune si “special Advisor” (këshilltar special ose kryeshefe) për të dashurën e tij
Ka dhënë sot dorëheqje nga pozita e tij Pierre Krähenbühl, zvicerani i cili ishte në krye të organizatës së OKB-së për ndihmë refugjatëve palestinezë UNRWA. Ai mbante këtë pozitë që nga viti 2014.
Kundër Krähenbühl OKB është duke zhvilluar hetime interne. Ai dhe drejtues të tjerë të UNRWA fajësohen për shkelje, si nepotizëm, abuzim me pozitën dhe sjellje të pahijshme seksuale, shkruan srf.ch.
Shefi i kësaj organizate akuzohet se ka mbajtur lidhje dashurie me një punonjëse që ishte në varësi të tij.
Deri në përfundim të hetimeve, detyrën e tij në udhëheqjen e UNRWA e merr britaniku Christian Saunders.
Nga fundi i muajit korrik të këtij viti qe njoftuar se Zvicra kishte ndërprerë pagesat për organizatën, e cila vepron në kuadrin e OKB-së për refugjatët palestinezë, UNRWA. Si shkak për këtë, qe përmendur një raport për hetime interne.
Siç kishte shkruar gazeta “SonntagsZeitung”, kishin dalë në sipërfaqe detaje tjera lidhur me parregullsitë në organizatën në fjalë, transmeton albinfo.ch. Duke iu referuar një raporti të komisionit intern të etikës, gazeta shkruan se shefi zviceran i UNRWA-s, Pierre Krächenbühl, ka qenë përgjegjes jo vetëm për një “klimë të helmuar pune” në organizatë. Më tepër se kaq, ai, në vitin 2015 kishte krijuar një vend pune si “special Advisor” (këshilltar special ose kryeshefe) për të dashurën e tij.
Departamenti i Jashtëm i Qeverisë Zvicerane (EDA) ka konfirmuar për gazetën se pagat për gruan në fjalë, Zvicra i ka paguar nga marsi i vitit 2015 deri në dhjetor të vitit 2018. Ndërkaq, lidhur me atë se sa para i janë paguar asaj gjithsej dhe nëse ajo ka marrë para edhe në emër të shpenzimeve të udhëtimit, EDA nuk ka pranuar të përgjigjet. Kjo, për faktin se OKB është duke zhvilluar hetime lidhur me rastin.
Ndërkaq, sipas raportit intern, për shumë veta, si brenda organizatës, ashtu dhe nga shtetet donatore, ka qenë e qartë se Krähnenbühl (i martuar) dhe kryeshefja e tij kishin një lidhje dashurie.
Të ngjashme
Të tjera nga Jeta në Zvicër
E-Diaspora
-
Spanjë: Vlerësohet shfaqja “Ëndrrat e Hamletit” e Mentor Zyberajt Mësohet se shfaqja “Ëndrrat e Hamletit”, me regji të Mentor Zyberajt ka marrë vlerësim të lartë...
-
Kanada
Kanada: Tenori me famë botërore, Ramë Lahaj, sjell “Traviata” e Xhuzepe Verdit
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore