Nis mësimi i gjuhës shqipe përmes teatrit në Paris

Ilustrim

Mësimi i gjuhës shqipe është bërë e ditur se do të fillojë sot përmes teatrit në Paris të Francës. Kjo risi është metodë atraktive që aplikohet prej disa vjetësh në Paris, shkruan albinfo.ch.

Shoqata shqiptare “Albania”, në bashkëpunim me shoqatën “ProCulture” nga dita e nesërme do të fillojnë zbatimin e këtij programi, për zhvillimin e njohurive të fëmijëve të komunitetit shqiptar rreth gjuhës dhe kulturës së vendit të origjinës.

Në përfundim të këtij programi, të gjithë nxënësit shqiptarë do të japin një shfaqje në “Festivalin Ndërkombëtar të Kulturës” që organizohet në Paris.

Njoftimi i plotë:

Shoqata ALBANIA në partneritet me Shoqatën ProCulture janë të kënaqur t’ju ftojmë të filloni kurset e gjuhës shqipe për fëmijë.

Takimi me mësuesin, nxënësit dhe prindërit e nxënësve do të zhvillohet më 09.11.2019, ora 10:00, në ambientet e Shtëpive të Shoqatave të 7-të. /Albinfo.ch