Rinumërohen 903 vendvotime, mbesin edhe 504 të tjera

Në Qendrën e Rinumërimit dhe Rezultateve deri në ora 16:00 janë rinumëruar edhe 63 vendvotime të tjera sipas vendimit të fundit të PZAP-së për t’u rinumëruar.

Valmir Elezi zëdhënës i KQZ-së, ka konfirmuar për Gazetën Express se totali i vendvotimeve të rinumëruara deri më sot është 903.

“Edhe 63 vendvotime të tjera janë rinumëruar gjatë ditës së sotme, deri në orën 16, sipas vendimit të PZAP-it. Pra, në total numri i vendvotimeve të rinumëruara është 903. Kanë mbetur edhe 504 vendvotime për tu rinumëruar apo 35.82%”, ka thënë Elezi.

Rinumërimi i më shumë se 1 mijë e 400 vendvotimeve për të cilat vendosi PZAP-ja u bë e ditur se do të zgjasë deri javën e ardhshme, shkruan GE, përcjell albinfo.ch

---