Çfarë ndodh nëse VV-ja dështon ta formojë Qeverinë në tentimin e parë

Hasani ka sqaruar se partia që ka dalë e para në zgjedhje, në këtë rast Vetëvendosje, ka të drejt të propozoj edhe një kandidatë të dytë për kryeministër

Ish-kryetari i Gjykatës Kushtetuese, Enver Hasani, ka thënë se edhe nëse Vetëvendosje nuk mund të ndërtojë një koalicion qeverisës, Kushtetuta nuk e lejon që subjektet e tjera të bëhen bashkë e të ndërtojnë qeverinë.

Hasani ka thënë se disa kushtetuta të tjera, siç është ajo e Maqedonisë Veriore, e lejojnë që partitë e tjera, përjashtuar partinë e parë që ka dalë në zgjedhje, të formojnë qeverinë, por sipas tij, në Kosovë kjo nuk lejohet në bazë të Kushtetutës.

Ai ka thënë në Rtv Dukagjini se edhe nëse ekzistojnë nënshkrime për të formuar shumicën nga partitë e tjera jashtë Vetëvendosjes, “është paragjykim se ata do ta votojnë qeverinë dhe kryeministrin tjetër”.

“Ku e dimë ne nëse ata deputetë që nënshkruajnë, do ta votojnë shumicën tjetër”.

Hasani ka sqaruar se partia që ka dalë e para në zgjedhje, në këtë rast Vetëvendosje, ka të drejtë të propozojë edhe një kandidat të dytë për kryeministër nëse i pari dështon të marrë shumicën e thjeshtë prej 61 votave në Kuvend.

Ish-kryetari i Gjykatës Kushtetuese që në kohën e VLAN-it rrëzoi Isa Mustafën nga posti i kryetarit të Kuvendit, thotë se nga viti 2014 gjithçka është e qartë kush e ndërton qeverinë dhe, sipas tij, më askush nuk ka provuar të veprojë ndryshe.

---