SHBA: Aksident zinxhiror, 63 vetura përplasen për shkak të mjegullës

63 automjete, dhe 35 njerëz u lënduan nga një aksident zinxhiror

Mediat amerikane kanë bërë të ditur se për shkak të mjegullës së rëndë dhe acarit në autostradën në Virxhinia lindore, ndodhi një përplasje zinxhirore, në të cilën u përfshinë 63 automjete, ku 35 njerëz u lënduan.

Aksidenti, i cili ndodhi rreth 80 kilometra në lindje të Richmond, mbylli autostradën në të dy drejtimet.

Sipas portalit NBCNews, mbi 35 persona pësuan lëndime të vogla, por ka edhe me lëndime serioze.

Një zëdhënës i Qendrës Mjekësore Rajonale njoftoi në Twitter se qendra ishte kujdesur për 25 të lënduar, njëri prej të cilëve ishte në gjendje të rëndë.

Po ashtu, policia lëshoi foto të përplasjeve, të cilat tregojnë makina të përmbysura dhe të përplasura.

Drejtuesve të automjeteve u kërkohet të bëjnë kujdes gjatë vozitjes, veçanërisht në ura, për shkak të akullit dhe mjegullës, përcjell albinfo.ch.

 

 

---