Lajme

Elvis Rexhbecaj prezantohet te skuadra e re gjermane

Rexhbecaj ka kaluar te skuadra e Kolnit në formë huazimi, për shkak që me skuadrën e deritanishme, Wolsfburgun nuk kishte minutazh të mjaftueshëm.

E hënë, 6 Janar 2020 - 16:40 albinfo.ch

Sipas skuadrës së Kolnit, Rexhbecaj do të jetë në formë huazimi deri në verën e vitit 2021. Futbollisti ka filluar po ashtu gjatë ditës së sotme stërvitjet me klubin e ri.

“Elvisi është një lojtar shumë i fortë dhe i disiplinuar. Në mesfushë, mund të përdoret në mënyrë fleksibile në pozicione të ndryshme dhe do të përmirësojë cilësinë tonë në këtë fushë”, thanë nga skuadra gjermane, shkruan indeksonline, përcjell albinfo.ch.

Kurse futbollisti kosovar, duke folur për transferimin e tij tha: “Unë vërtet dua të luaj. Kjo është arsyeja pse vendosa ta ndërmarr këtë hap”.

Skuadra gjermane duke e treguar biografinë e futbollistit po ashtu e tregon preardhjen e tij që është pra Kosova dhe vendi i lindjes që është Gjonaj në Prizren.