Bota
Çdo vit, Kroacia humb 15 000 banorë
Largimi në masë i trurit nga Lindja drejt Perëndimit është një çështje ekzistenciale, ndërkohë që gjysma e BE-së po përballet me pakësimin e popullsisë dhe ky është një problem që duhet diskutuar në nivel europian, u shpreh kryeministri kroat, Andrej Plenkoviç, për të përditshmen franceze “Le Monde”.
“Kroacia po humb çdo vit një qytezë me 15 000 banorë dhe, për Kroacinë, kjo është një çështje ekzistenciale”, tha Plenkoviç gjatë intervistës.
“Falë turizmit, ky problem është më i vogël në Dalmaci, por në Kroacinë Lindore, për shkak të plakjes së popullsisë dhe mungesës së vendeve të reja të punës, njerëzit po largohen për ta ndërtuar të ardhmen e tyre në vende të tjera europiane”, vazhdoi ai, duke theksuar se populistët marrin shumicën e votave në Kroacinë Lindore.
Pyetjes, nëse duhet kufizuar liria e lëvizjes për të frenuar problemin, Plenkoviç iu përgjigj negativisht, duke thënë se vënia në pikëpyetje e lirisë së lëvizjes do të nënkuptonte ngacmimin e shtyllës kurrizore të projektit europian.
“Vendet e reja anëtare duhet të vazhdojnë të përdorin ndihmën europiane me qëllim që t’i afrohen hapit të vendeve më të zhvilluara dhe për të reduktuar hendekun social.
Ne duhet të kemi, gjithashtu, edhe një rregullore publike për rivitalizimi demografik, që ka qenë i suksesshëm në vendet e përballura me të njëjtat probleme”, tha kryeministri kroat, duke përmendur edhe uljen e taksave për të rinjtë nga ana e qeverisë kroate.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut