E-Diaspora
Dalwin Kryeziu, përmes fotografive, kërkon rrënjët e tij në Kosovë
Sot, kur ai ka mbushur 20 vjet dhe pas vetes ka tashmë një jetë të përmbushur me udhëtime të gjata, Dalwini po kërkon rrënjët e tij në Kosovë, së bashku me babanë e tij
Më 17 janar në Eltville am Rhein, në bibliotekën e mediave hapet ekspozita e fotografive, e artistit Dalwin Kryeziu, “1999/2019 di vita e liberta in Kosova”.
Dalwin Kryeziu është lindur në dhjetor të vitit 1999 në Italinë e Jugut. Babai i tij është kosovar me shtetësi austriake, ndërsa nëna vjen nga Puglia, Itali. Vetëm dhjetë ditë pas lindjes së tij, familja e re zhvendoset në Villach në Austri, shkruan mittelrhein-tageblatt.de. Në moshën gjashtëvjeçare familja Kryeziu kaloi për të jetuar në Frankfurt, transmeton albinfo.ch. Këtu Kryeziu tani jeton, punon dhe studion. Sot, kur ai ka mbushur 20 vjet dhe pas vetes ka tashmë një jetë të përmbushur me udhëtime të gjata, Dalwini po kërkon rrënjët e tij në Kosovë së bashku me babanë e tij.
Fotografitë shpalosin kujtime me të afërmit dhe gjyshërit e tij, të cilët qenë detyruar të iknin nga vendlindja gjatë luftës së Kosovës 20 vjet më parë dhe kanë humbur gjithçka, përcjell albinfo.ch. Këto fotografi tregojnë një histori të harruar të qyteteve, fshatrave dhe maleve të Kosovës që duhen mbajtur mend.
Ekspozita mund të vizitohet nga e premtja, 17 janar, deri më 2 mars 2020 gjatë orarit të punës të bibliotekës së mediave Eltville, Rr. Rheingauer 28. Vernisazhi publik (hapja) mbahet të premten, më 17 janar 2020, në orën 19.00. Hyrja është falas.
Të interesuarit mund të marrin informacione në bibliotekën e mediave Eltville duke telefonuar në 06123 697-550 ose me email në [email protected].
Të tjera nga E-Diaspora
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve