Basel interesohet për Andi Zeqirin

Andi Zeqiri ka përfunduar në radarin e Basel.

Ylli kosovar, Zeqiri, i cili luan me skuadrën e Lausanne, ka tërhequr vëmendjen e gjigantit zviceran, Basel.

‘Blick’ shkruan se Basel do të tentojë me çdo kusht që të ketë shërbimet e 20-vjeçarit, transmeton lajmi.net, përcjell albinfo.ch.

Ylli me prejardhje nga Kosova aktualisht paraqitet me kombëtaren U21 të Zvicrës dhe është në dilemë për të ardhmen e tij në futbollin me kombëtare, por tashmë edhe me skuadra, pas ofertës së Basel.

Kujtojmë se Andi në fundivitin e kaluar është takuar me presidentin e FFK-së, Agim Ademi, kur thuhej se gjithçka është kryer për vendimin e tij dhe se ai do të luajë me Kosovën.

Mbetet të shihet nëse ai do të pranojë ofertën e Basel, e pastaj edhe të Kosovës.

---