Integrimi
Nisret Bujari kandidon për asamblist në Komunën e Badenit, Austri
Nisreti i cili është me prejardhje nga Suhareka, garon në këto zgjedhje si kandidat nga partia ÖVP (Partia Popullore e Austrisë) e kancelarit austriak, Sebastian Kurz
Shqiptarët e Austrisë çdo ditë e më shumë po tregojnë sukseset e tyre dhe integrimin e mirë në shoqërinë austriake. Jo vetëm në fushën e artit, kulturës dhe sportit, por edhe në atë politike. Nisret Bujari nga Badeni i Austrisë është njëri prej tyre. Ai është kandidat për asamble në Komunën e Badenit, në zgjedhjet e 26 janarit që do të mbahen në shumicën e komunave në landin e Austrisë së Ulët.
Nisreti (në mes), me kancelarin Kurz dhe kryetarin e Komunës Baden
Në Austri, Nisreti ka ardhur në vitin 1999. Puna e tij në fushën e gastronomisë ka bërë që të ketë kontakte të shumta edhe me politikanë të ndryshëm, por edhe të fitojë respektin e banorëve të kësaj komune. Në vitin 2015, hap një firmë të kopshtarisë, por as kjo nuk e josh që t’i lerë anash aktivitetet politike.
Nisreti, i cili është me prejardhje nga Suhareka, garon në këto zgjedhje si kandidat nga partia ÖVP (Partia Popullore e Austrisë) e kancelarit austriak, Sebastian Kurz.
Me ish-ministren austriake
„Jam prej vitesh aktivist politik i kësaj partie. Partia e Sebastian Kurz u ka hapur dyert shumë shqiptarëve dhe u ka dhënë mundësinë që të garojnë, qoftë për ulëse komunale por edhe për ato parlamentare. Unë i kam hyrë kësaj gare me shpresën se do të zë një ulëse në komunën e Badenit”, thotë Nisreti për albinfo.ch.
Kjo komunë është e banuar shumë nga shqiptarët dhe Nisreti pret që duke i njohur shumicën edhe personalisht, shqiptarët të dalin në numër sa më të madh për ta votuar atë, në mënyrë që të kenë zërin e tyre në këtë komunë.
„Numri im në listë është 37. Shqiptarët që jetojnë në këtë komunë duhet të dalin për të më votuar, sepse unë do të përfaqësoj synimet e tyre për një jetë më të mirë dhe më të lehtë në sistemin shoqërorë në Austri“, thotë ai, njofton albinfo.ch.
Motoja e Nisretit në këto zgjedhje është: „Dëshiroj të punoj për integrimin dhe komunikimin paqësor të kulturave të ndryshme në Baden“.
A.Gj.
Të ngjashme
Të tjera nga Integrimi
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
A është e ligjshme djegia e flamurit të Zvicrës? Kjo mund të duket si një pyetje e çuditshme, përveç se është votuar në Këshillin Kombëtar...
-
Pesë lajme të mëdha nga Zvicra për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter
-
Air India kthehet në Cyrih pas më shumë se 25 vjetësh