Lajme

Shkon në 39 numri i viktimave nga tërmeti në Turqi

Numri i njerëzve që ndërruan jetë nga tërmetin 6.8 ballë në Turqi u rrit në 39-të

E diel, 26 Janar 2020 - 23:25 albinfo.ch

Ministri i Shëndetësisë, Fahrettin Koca, ka bërë të ditur se numri i njerëzve që ndërruan jetë në tërmetin 6.8 rihter në rrethin Sivrice të Elazig u rrit në 39, përcjell albinfo.ch.

Në transmetimin direkt të CNN TÜRK, Koca tha: “Fatkeqësisht, numri i qytetarëve që kanë humbur jetën është 39 me lajmet që kemi marrë. Fatkeqësisht. Në këtë periudhë, numri i pacientëve që janë në spitalet tona është 1605. ”

Duhet theksuar se Turqia lindore u godit më shumë nga një tërmet i fuqishëm me magnitudë 6.8 rihter mbrëmjen e së premtes (24 janar). Epiqendra e këtij tërmeti të fortë ka qenë pranë zonës së quajtur Elazig, ku u shënuan edhe më shumë viktima dhe dëmet e mëdha materiale, transmeton tch.

Ky nuk është tërmeti i parë që godet Turqinë, pasi një tjetër tërmet i fuqishëm me magnitudë 6.0 goditi provincën Elazig në 2010 duke lënë pas 51 viktima.