Gruaja
Mbrëmje humanitare nga Shoqata “Humunity” në Zvicër
Kjo shoqatë ndihmon personat që kanë nevojë, derisa numri po shtohet nga dita në ditë
Të dielën në “Villa Miami” në Glattbrugg është mbajtur eventi i tretë me radhë humanitar nga “HUMUNITY”.
Kjo ngjarje ishte mjaft e madhe, derisa kishte përkrahje edhe nga pronari i “Villa Miami”.
Gjithashtu në këtë mbrëmje humanitare ishin prezentë edhe shumë këngëtarë, shkruan albinfo.ch.
Njëra nga organizatoret e kësaj ngjarje ishte Hava Makolli, e cila shprehet: “Kjo shoqatë, siç e dini edhe shumica prej juve, është një shoqatë shumë e re. E themeluar vitin e kaluar me seli ne Zvicër dhe sipas ligjeve zvicerane. Deri më tani kemi 6000 anëtare dhe jemi shumë falënderuese për përkrahjen masive që po marrim nga gratë shqiptare nga e gjithë bota.
Projektet e shoqatës janë afatgjate dhe në bashkëpunim me Kosovën dhe ndihmën e donatorëve.
Shoqata jonë nuk merret me ndërtimin e shtëpive, pasi që ka mjaftë shoqata që merren me ndërtimin e shtëpive, me shërimin e të sëmurëve.
Ne për një kohë të shkurtër kemi organizuar dy takime humanitare dhe kjo e tani është e treta. Siç po shihet kemi mbi 300 gra që kanë ardhur në mbështetje dhe jam shumë e kënaqur dhe e lumtur për kontributin si nga anëtaret, ashtu edhe nga këngetaret që pranojnë ftesën tonë dhe pa asnjë shpenzim kontribuojnë me zërin e tyre”, është shprehur Makolli, duke shtuar:
“Nga shuma e parave kemi kontribuar për të prekurit nga tërmeti në Shqipëri, si dhe kemi grumbulluar rroba.
Aktuaisht në konto me hyrjen edhe të 14.500 frangave nga ky event, kemi 24 819 franga në xhirollogarinë tonë, të cilat do të përdorën për qëllime humane”, theksoi ajo, përcjell tutje albinfo.ch.
Ndërkohë, Dalia Abazi theksoi: “Me anëtaret jemi shumë të kënaqura, janë shumë të devotshme sidomos kur bëhet fjalë për humanizem, janë gjithnjë të gatshme me ndihmu.
Në të ardhmen mendojmë të lobojmë nëpër firma zvicerane që me pas më shumë sponsorë dhe suksese sepse vetëm me festa kemi frikë se edhe anëtarët lodhen.
Në fund të kësaj feste të grave u bë numërimi i të hollave bashkërisht në prani të anëtareve dhe me një transmetim të drejpërdrejt me grupin e grave në FB, për arsye se shumë gra nuk kanë pasur mundësi të ishin të pranishme në këtë takim festiv”, nënvizoi Abazi.
Dalina mes tjerash ka thënë se angazhimi i grave është tërësisht vullnetar dhe pa asnjë kompensim.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
Pse kaq shumë organizata sportive ndërkombëtare kanë bazën në Zvicër? Zvicra është tronditur nga lajmi se FIFA ka ndryshuar rregullat e saj për të lejuar lëvizjen...
-
Katër mërgimtarët që udhëtuan nga Zvicra në Strugë me biçikletë
-
Rrëshqitja e dheut në Schwanden: Komuniteti po shkatërron 15 ndërtesa
-
Qyteti kundër kantonit në Cyrih: Mosmarrëveshja ligjore mbi Rosengartenstrasse përshkallëzohet
-
Gati gjysma e specieve të bletëve zvicerane në “listën e kuqe” të rrezikut të ekzistencës