Tematike
90% të kosovarëve që marrin shtetësinë zvicerane, nuk kanë lindur në Zvicër
65 për qind e qytetarëve me shtetësi të dyfishtë, shtetësinë zvicerane e kanë marrë përmes natyralizimit. Kjo është veçanërisht e theksuar tek shtetasit e dyfishtë me prejardhje nga Kosova, Serbia dhe Maqedonia e Veriut
18 për qind e popullatës zvicerane të moshës mbi 15-vjeçare kanë shtetësi të dyfishtë. Si rezultat, është rritur më tej pjesëmarrja e tyre në popullatën e gjithëmbarshme, shkruan blick.ch. Kjo kategori përfshin pothuajse një milion njerëz, siç e tregojnë shifrat e fundit nga Zyra Federale e Statistikave (BFS), të që u publikuan sot.
Shifrat dallojnë shumë në varësi nga zonat e vendit. Kështu, pothuaj çdo i dyti qytetar zviceran në kantonin e Gjenevës është shtetas i dyfishtë, transmeton albinfo.ch. Konkretisht: 45 për qind. Shifrat mbi mesataren janë gjithashtu në kantonet e Vaud (30%), Neuchâtel (26%) ose Cyrih dhe Basel-Stadt (secila rreth 22%).
Nga ana tjetër, rreth 10 për qind është shkalla e qytetarëve me shtetësi të dyfishtë në kantonet rurale si Uri, Ob- dhe Nidwalden ose Appenzell Innerrhoden.
65 për qind e qytetarëve me shtetësi të dyfishtë, shtetësinë zvicerane e kanë marrë përmes natyralizimit. Kjo është veçanërisht e theksuar tek shtetasit e dyfishtë me prejardhje nga Kosova, Serbia dhe Maqedonia e Veriut, përcjell albinfo.ch. Në të tri këto raste, më shumë se 90 për qind e tyre shtetësinë zvicerane e kanë marrë përmes natyralizimit, d.m.th. si të ardhur nga shtetet përkatëse.
Nga ana tjetër, 35 për qind e qytetarëve të dyfishtë nënshtetësi zvicerane e kanë marrë me lindje, pra ata kanë vetëm prejardhjen e huaj (prindërit).
Shtetësia që është ruajtur më së shpeshti me rastin e marrjes së shtetësisë zvicerane ishte ajo italiane (në 24 për qind të rasteve), transmeton albinfo.ch. Pastaj vjen në radhë shtetësia franceze (pak më shumë se 11 për qind) dhe shtetësia gjermane (mbi 8 për qind).
Gjermanët kanë regjistruar deri tani rritjen më të lartë të numrit të natyralizimeve: nëse ata në vitin 2000 ende përbënin 2.3 për qind të të gjithë qytetarëve të rinj me shtetësi zvicerane, në vitin 2018 kjo shkallë u ngjit në 14.4 për qind.
Siç e tregon statistika më e re, interesimi i italianëve për nënshtetësinë zvicerane ka rënë ndjeshëm: në vitin 2000 ata përbënin pak më pak se një të katërtën e të gjitha natyralizimeve, ndërsa në vitin 2018, vetëm 11.9 për qind.
Rreth 42,000 njerëz janë natyralizuar në Zvicër vitin e kaluar, që i bie rreth 3.000 më pak se një vit më parë. Mesatarisht, një e katërta deri në një të tretën prej tyre kanë përfituar nga natyralizimi i lehtësuar.
Të ngjashme
Të tjera nga Tematike
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit