Lajme
Arsenali e kërkoi Amir Rrahmanin në janar
Arsenali kishte bërë përpjekje për ta blerë Amir Rrahmanin nga Hellas Verona gjatë afatit kalimtar të janarit, pa qenë i vetëdijshëm se mbrojtësi kosovar tashmë kishte nënshkruar kontratë me Napolin.
Klubi nga Londra veriore kishte për qëllim ta përforconte mbrojtjen, e në veçanti krahun e majtë, gjatë afatit kalimtar dimëror, për shkak të probleme me lëndimeve afatgjate të Kieran Tierney dhe Sead Kolašinac, dhe largimit të Nacho Monreal, raporton GE, përcjell albinfo.ch.
Drejtuesit e “Topçinjve” nuk kanë qenë të lumtur as me qendrat e mbrojtjes, posaçërisht me Shkodran Mustafin, i cili nuk ka qenë në gjendje t’u japë fund gabimeve të pafalshme trashanike.
Sipas gazetës italiane “Corriere dello Sport”, ndër mbrojtësit që Arsenali synonte t’i sillte në klub ishte edhe Amir Rrahmani i Kombëtares së Kosovës dhe Veronës në Serie A.
Paraqitjet e mahnitshme të 25-vjeçarit për ekipin kombëtar verdhekaltër, e veçanërisht për Veronën, ia kishin tërhequr vëmendjen klubit nga Premierliga.
Rrahmani e ka zhvilluar çdo ndeshje në të gjitha garat për Veronën deri tani këtë sezon, duke i ndihmuar asaj të ngjitet në vendin e gjashtë në Serie A dhe të luftojë për një vend në garat evropiane sezonin e ardhshëm.
Por kur Arsenali e kërkoi kosovarin, veç ishte vonë.
Rrahmani tashmë kishte arritur marrëveshje me Napolin dhe Arsenali nuk ishte në dijeni.
Rrahmani nënshkroi kontratë katërvjeçare me Napolin, me pagë vjetore 1.8 milionë euro në vit dhe do t’i bashkohet atij në fillim të sezonit të ri 2020/21.
Napoli do t’ia paguajë Veronës plot 14 milionë euro për shërbimet e kosovarit.
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Zvicër
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane
-
Në këtë kohë dhe vend priten kolona për festat publike në Zvicër
-
Vazhdon ulja e shkallës së papunësisë në Zvicër