Lajme
Flamuri i Kosovës valon në Calgary, në 12-vjetorin e Pavarësisë
Diaspora shqiptare në Kanada zhvillon veprimtari festive për 12-vjetorin e Pavarësisë së Kosovës
Është bërë e ditur se pranë Bashkisë së qytetit të Kalgarit, provincës së Albertës, Kanada, u ngrit flamuri i Kosovës e organizuar nga Shoqata Shqiptaro-Kanadeze. Në këtë ceremoni sa të thjeshtë, po aq kuptimplote pas mbajtjes së fjalës nga kryetari i shoqatës, z. Ilir Kuqi, e cila u pasua nga fjalimi i gazetarit të mirënjohur në rrethin e shqiptarëve të Kalgarit, z. Nebi Murseli, u bë ngritja e flamurit. Në këtë ditë të bukur shkurti me diell, ndjehej krenaria dhe gëzimi në sytë e shqiptarëve të mbledhur, të cilët ishin nga të gjitha trevat shqiptare për të qenë dëshmitarë të ngritjes së flamurit, transmeton albinfo.ch.
Nebi Murseli në fjalimin e tij theksoi sa e rëndësishme është kujtimi i kësaj date historike për popullin shqiptar të Kosovës, datë e cila përmbush amanetin e të rënëve për liri e pavarësi, shkruan albcanyyc.
“Kosova nuk ka qenë asnjëherë një koncept thjesht gjeografik, tha në fjalimin e tij z. Murseli, prandaj të gjithë ne shqiptarët kudo që jemi ta kujtojmë gjithmonë këtë tokë dardane, tokë për të cilën kanë rënë shqiparë nga të gjitha trojet etnike. Sakrificat dhe dashuria për këtë tokë duhet të jetë lajtmotivi që brezave të ardhshëm e kemi detyrim t’ua kujtojmë historinë e Kosovës sonë të lavdishme dhe kreshnike”.
Pas fjalimit të z. Nebi, u bë ngritja e flamurit, e shoqëruar nga himni i Kosovës. Nuk mund të mbyllej një ceremoni e tillë pa një këngë si “Kuq e Zi”, e cila zgjon ndjenja atdhedashëse e bashkimi mes shqiptarësh. /Albinfo.ch
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla