Bota
Putin dhe Erdogan diskutojnë për situatën në Siri
Kremlini njoftoi të premten se presidenti rus, Vladimir Putin dhe homologu i tij turk, Recep Tayyip Erdogan, kanë rënë dakord për të intensifikuar bisedimet lidhur me situatën në rajonin Idlib të Sirisë.
Të dy liderët, gjatë një bisede telefonike, kanë diskutuar për uljen e tensioneve dhe zbatimin e një armëpushimi.
Rusia dhe Turqia kanë mbetur ndër aktorët kryesorë në konfliktin sirian, pasi Ankaraja mbështet rebelët anti-qeveritarë, ndërkaq Moska forcat e presidentit Bashar al-Asad.
Forcat e Asadit kanë ndërmarrë një ofensivë në rajonin e Idlib-it, për të marrë kontrollin e bastionit të fundit që mbahet nga rebelët anti-qeveritarë.
Turqia ka kërcënuar me “përdorim të jashtëzakonshëm” të forcës nëse nuk ndalet ofensiva.
Kjo, pasi disa ushtarë turq janë vrarë gjatë periudhës së fundit në këtë rajon.
Të premten, sekretari i Përgjithshëm i Kombeve të Bashkuara, Antonio Guterres, bëri thirrje për një armëpushim të menjëhershëm në rajonin e Idlibit “për t’i dhënë fund katastrofës humanitare dhe për të shmangur një përshkallëzim të pakontrollueshëm”.
“Për gati një vit ne kemi parë një seri sulmesh tokësore të qeverisë siriane të mbështetur nga sulmet ajrore ruse. Këtë muaj kanë vazhduar luftimet vdekjeprurëse midis forcave të qeverisë turke dhe siriane”, tha Guterres.
“Ky makth humanitar për popullin sirian, që vuan shumë, duhet të ndalet. Ai duhet të ndalet tani”, u tha Guterres, gazetarëve në New York.
Sipas Vëzhguesit Sirian për të Drejtat e Njeriut nga ofensiva e forcave qeveritare, janë vrarë më shumë se 400 civilë, që prej fillimit të muajit dhjetor 2019.
Rreth 900.000 mijë njerëz janë zhvendosur nga rajoni, sipas Kombeve të Bashkuara.
E-Diaspora
-
Shqiptari diplomon në Columbian University në Nju Jork Sukseseve të shqiptarve në botë i shtohet edhe Altrim A. Mamuti, i cili ka lindur në...
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
Jeta në Zvicër
-
Rrëshqitja e shkëmbinjve në Brienz: A ekziston një kërcënim? Fshati malor Graubünden i Brienz ishte jashtëzakonisht me fat gjatë rrëshqitjes së dheut në verën e...
-
Gotthard, mbi 20 kilometra bllokime trafiku
-
Zvicër: Rastet e kollës te fëmijët, shumë të shpeshta
-
A do të largohet selia e FIFA-s nga Zvicra?
-
Shqetësime për planet zvicerane të transportit nëntokësor të mallrave