Ndeshjet në Itali do të mbahen pa tifozë

Të gjitha ndeshjet, edhe ato në Serie A mund të zhvillohet pa shikues, për shkak të druajtjeve nga sëmundja ngjitëse koronavirus.

Kjo sëmundje ngjitëse është duke u shpërndarë me shpejtësi të madhe nëpër veri të Italisë, e cila ka shkaktuar vdekjen e tre personave dhe i ka infektuar mbi 200 të tjerë deri tani, përcjell albinfo.ch.

Katër ndeshje në Serie A u shtynë dje për shkak të shpërthimit të virusit në veri të Italisë.

Ideja për të luajtur ndeshjet në vende neutrale u sugjerua fillimisht, por dukej se u hodh poshtë për shkak të çështjeve logjistike.

Me klubet e Serie A që kanë frikë nga një krizë planifikimi, presidenti i ligës, Paolo Dal Pino, i hartoi një letër qeverisë italiane, ku i kërkonte që të gjitha takimet e Serie A, Kupës së Italisë & ndeshjet evropiane, të luheshin pa shikues deri në largimin e kërcënimeve nga koronavirusi.

Uebfaqja Calcio e Finanza raporton se kryeministri italian Giuseppe Conte pritet të nënshkruajë një dekret këtë pasdite, duke rënë dakord me kërkesën e ligës.

---