Lajme

Mazrekaj konfirmon meçin e boksit ndaj djalit të Arkanit

Petrit Marezkaj ka konfirmuar zyrtarisht përballjen ndaj djalit të kriminelit serb, Arkanit, Veljko Raznatovic.

E diel, 8 Mars 2020 - 9:30 albinfo.ch

Pas shumë e shumë muajve dhe shumë tentativave, ka ardhur edhe marrëveshja mes boksierit kosovar, Petrit Mazrekaj dhe djalit të Arkanit.

Është vetë boksieri nga Kosova, i cili ka konfirmuar zyrtarisht marrëveshjen për zhvillimin e përballjes.

Mazrekaj këtë lajm të shumëpritur e ka dhënë me anë të profilin të tij privat në Facebook.

“Më në fund erdhi çasti i shumëpritur. Për të gjithë ju adhurues të boksit desha t’ju njoftoj se më në fund u nënshkrua kontrata e shumëpritur! Për hajr na qoftë të gjithëve”, ka shkruar Mazrekaj.

Ky meç mes boksierit nga Kosova dhe Veljko Raznatovic do të zhvillohet më 26 shtator në Berlin, një vend neutral për të dy boksierët.

Raznatovic dhe ekipi i tij kanë tentuar disa herë që meçin ta zhvillojnë në Serbi, por një gjë e tillë nuk është pranuar, shkruan telegrafi, përcjell albinfo.ch.