VIDEO: Si të mbani trupin në formë nëse jeni në shtëpi

Ka shumë ushtrime që mund të bëni në shtëpi me pajisje minimale për të marrë një stërvitje të plotë të trupit dhe po, madje edhe disa kardio

Ndërsa Koronavirusi vazhdon të shqetësojë të gjithë botën, ata që frekuentojnë rregullisht palestrat janë në kërkim të mënyrave praktike se si të mund të vazhdojnë të mbajnë trupin në formë edhe në një kohë karantine në shtëpi.

Ka shumë ushtrime që mund të bëni në shtëpi me pajisje minimale për të marrë një stërvitje të plotë të trupit dhe po, madje edhe disa kardio.

Burpees janë mbreti i ushtrimeve në shtëpi, sipas ekspertëve, transmeton Scan, përcjell albinfo.ch.

Ndërsa një stërvitje në shtëpi nuk mund të zëvendësojë një seancë intensive në palestër dhe mjeteve që gjenden atje si shtanga apo pajisjet e vrapit dhe ecjes, ka shumë mënyra për të punuar madje dhe djersitur në kushte shtëpie, sipas trajnerit personal të certifikuar Bryan Goldberg, përcjell albinfo.ch.

Burpee janë pikërisht ulja e trupit në pozicionin e pompave dhe më pas ngritja e tij më shpejtësi në ajër me duart e bashkuara si video më poshtë. Nuk është e nevojshme të bëni 100 prej tyre por 5-10 të tilla të shoqëruara edhe me ushtrime të tjera si pompat, squatet etj. do të ishin të mjaftueshme për të mbajtur trupin në formë dhe djegur kaloritë e tepërta që konsumoni në këtë periudhë karantine.

Ushtrime të tjera që mund të realizoni janë konkretisht squat, gjysëm squat, lunget si dhe lëvizje gjysëm ulur të këmbëve.

Edhe pse këni mungesë veglash që tiu ndihmojnë me ushtrimet tuaja kini parasysh se edhe në shtëpi dispononi më shumë se sa mendoni të tilla të ngjashme si përshembull karriket, tavolina apo edhe krevati. Gjithashtu për të shtuar peshat mund të përdorni shishe uji teksa realizoni një ushtrim për të rritur kështu shkallën e vështirësisë. Kini parasysh se në varësi të individit mund të variohen edhe ushtrimet dhe shpeshtësia e tyre. Pra nëse jeni në nivelin fillestar mendoi të realizoni 30 prej tyre çdo ditë e kështu me radhë në varësi të nivelit. Sigurisht mos harroni edhe ushtrimet klasike të barkut.

Së fundmi mos e nënvlerësoni rëndësinë e gjumit dhe të ushqyerin mirë, dhe sigurisht higjenën personale sidomos në këtë periudhë.

---