Kosova
96 kosovarë të kthyer nga Dyseldorfi në Kosovë do të izolohen për 14 ditë
Pasditen e sotme në Aeroportin e Prishtinës kanë mbërritur 96 shtetas kosovarë, të cilët ishin nisur nga Dyseldorfi i Gjermanisë.
Të njëjtit, pasi që do t’u nënshtrohen kontrolleve mjekësore në aeroport, do të dërgohen në Qendrën e Studentëve, hapësirë kjo që po shërben si karantinë, ku do të qëndrojnë për 14 ditë.
Këta udhëtarë kanë arritur në Kosovë në orën 14 e 50, ndërsa në terminal janë pritur nga ekipet mjekësore dhe nga autobusët e FSK-së.
Shefi i kabinetit të ministrit të Infrastrukturës dhe Ambientit, Alban Zogaj, për KosovaPress tha se të gjithë udhëtarët do të transportohen me autobusët e FSK-së për në Qendrën e Studentëve.
“Po udhëtojnë 96 shtetas të Kosovës, të cilët po priten nga ekipet mjekësore, por gjithashtu edhe nga autobusët e FSK-së. Prej Aeroportit të Prishtinës do të transportohen në mënyrë të organizuar direkt në qendrën e karantinës, e cila është tek Qendra e Studentëve në Prishtinë”, tha ai.
Ai deklaroi se për sot është vetëm ky fluturim, ndërsa ditëve të tjera tha se do të shohin nëse do të lëshojnë leje.
“Vetëm një fluturim për sot është i lejuar me leje të veçantë, nuk presim tjetër fluturim për sot. Gjatë ditëve të tjera në vijim do të shohim çfarë leje do të japim. Jemi në koordinim të plotë me Ministrinë e Shëndetësisë dhe atë të Punëve të Jashtme”, tha ai.
Të ngjashme
Të tjera nga Kosova
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Kaosi i tifozëve të Servette në ndeshjen e futbollit, i dyshuari mund të akuzohet Kaosi i Gjenevanit që hodhi një pishtar të ndezur në bllokun e tifozëve të Winterthur mund...
-
Dëmtimi i bustit të Skënderbeut në Gjenevë, reagon Ambasadori i Shqipërisë
-
Kantoni i Cyrihut merr masa kundër antisemitizmit
-
Mbi katër mijë milionerë në Zvicër
-
Drejt fundit të tarifës së dyfishtë të energjisë elektrike: përshtatja dhe ndryshimet në konsumin e energjisë