Rreth 2 mijë raste e 9 viktima të reja të koronavirusit në Gjermani

(Photo by Miguel MEDINA / AFP)

Instituti i Shëndetit Publik në Gjermani ka njoftuar se janë konfirmuar 1948 raste të reja të personave të infektuar me koronavirus gjatë natës së kaluar, ndërsa kanë vdekur nëntë persona.

Tash, shifra e përgjithshme e personave të vdekur ka shkuar në 55, ndërsa numri i njerëzve të infektuar në 18 mijë e 610, shkruan “The Guardian”, transmeton Albinfo.

Gjermania është njëra ndër shtetet me numrin më të lartë të të infektuarve me Covid-19 në Evropë, por e ka një ndër shkallët më të ulëta të vdekjeve, sidomos në krahasim me Italinë dhe Spanjën.

Qeveria gjermane ka marrë masa të gjera për parandalimin e përhapjes së koronavirusit, duke i mbyllur kufijtë me shumë shtete. Ajo poashtu i ka ndarë 550 miliardë euro për ta përkrahur ekonominë dhe bizneset.