Problemi më i madh për Zvicrën, mungesa e stafit të kujdesit intensiv

"Jam e bindur që as materiali dhe as shtretërit nuk do të jenë problemi ynë i parë në valën e ardhshme pandemike"

Problemi më i madh në Zvicër në krizën e koronavirusit nuk do të jetë numri i shtretërve dhe ai i respiratorëve, por mungesa e stafit të infermierëve në stacionet e kujdesit intensiv. Këtë deklarim e kanë bërë sot dy mjekë nga Shoqata Zvicerane për Kujdesin Intensiv (SGI), transmeton albinfo.ch gazetat zvicerane.

“Jam e bindur që as materiali dhe as shtretërit nuk do të jenë problemi ynë i parë në valën e ardhshme pandemike, por problemi kryesor do të jetë në të vërtetë stafi”, ka thënë Antje Heise, nënkryetare e SGI dhe drejtoreshë mjekësore e Njësisë së Kujdesit Intensiv në Spitalin Thun të Kantonit të Bernës.

Këtë deklaratë ajo e ka dhënë në një intervistë me “SonntagsZeitung” dhe “Le Matin Dimanche”.

Numri i vendeve mund të rritet shpejt përmes zgjidhjeve kreative, ka thënë më tuitje Heise. Pyetja e madhe është nëse do të kemi staf të mjaftueshëm infermierësh të trajnuar posaçërisht, që do të jenë në dispozicion për të punuar në stacionet e kujdesit intensiv.

---