Koronavirusi: çast pas çasti
Pastrimi i interierit të veturave, i domosdoshëm për ta luftuar koronavirusin
Pastrimi i duarve dhe pastrimi e dezinfektimi i sipërfaqeve janë dy mënyrat më të mira për të mbrojtur veten nga shpërndarja e koronavirusit, ka bërë të ditur “Qendra për Kontroll dhe Parandalim të Sëmundjeve” (CDC) në Shtetet e Bashkuara të Amerikës.
Me përhapjen e virusit Covid-19, këshilla kryesore e ekspertëve ka qenë pastrimi i mirë i duarve dhe përdorimi sa më i shpeshtë i dezinfektuesve, të cilët mund të shkatërrojnë virusin që ka marrë jetën e mijëra njerëzve.
Por sipërfaqe të ndjeshme ka edhe përbrenda automobilave.
Shumë hapësira aty janë vazhdimisht të prekshme. Nëse dikush që është brenda veturës shfaq simptoma të virusit, pastrimi i sipërfaqeve aty bëhet i domosdoshëm.
Veturat, vende potenciale për përhapjen e koronavirusit
Jennifer Stockburger, drejtoreshë e operacioneve në “Qendrën e Testimeve” në “Consumer Reports”, ka thënë se timoni, dorëzat e dyerve, marshi dhe çdo buton tjetër apo ekran i ndjeshëm në prekje, sinjalizuesit, krah-mbajtëset e pasagjerit apo shoferit, dhe çdo pjesë tjetër e prekshme duhet të pastrohet gjithsesi.
“Consumer Reports” është organizatë amerikane e dedikuar për testim të paanshëm të produkteve.
Sipas Stockburgerit, nëse dikush vazhdimisht në automobilin e tij bart pasagjerë të ndryshëm apo nget një automobil, të cilin e ndan me dikë tjetër ose ka edhe në afërsi njerëz me virusin e ri, nevoja për t’i pastruar sipërfaqet në automobil është e domosdoshme.
Interieri i një automobili megjithatë është më pak i durueshëm se një lavaman.
Andaj, kujdesi duhet të jetë tejet i madh për të mos dëmtuar këto pjesë të ndjeshme, përcjell Albinfo.ch.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Bllokime të reja trafiku përpara tunelit Gotthard Trafiku është bllokuar sërish këtë të diel në autostradën A2, përballë tunelit të rrugës Gotthard. Rreth...
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?