Lajme
Policia do t`i kthejë mbrapsht ata që me makina kampimi shkojnë drejt Tiçinos
"Ne do t`i ndalojmë dhe do t`i kthejmë mbrapsht të gjithë ata që drejt Tiçinos janë nisur me makina kampimi, "pasi të gjitha kampet në Ticino janë të mbyllura", ka thënë Blättler
Rrugët për në Tiçino, drejt jugut të Zvicrës, në prag të çdo feste dhe sidomos të Pashkëve, vërshohen nga turistët, jo vetëm zviceranë që lakmojnë jugun me më shumë diell, shkruan albinfo.ch.
Shumë zviceranë nga “kjo anë e Gothardit” (Zvicra gjermane) kanë kampshtëpizat ose vilat e tyre në Tiçino. Kështu, ata çdo pushim ose fundjavë e shfrytëzojnë për ta kaluar atje.
Pak ditë para Pashkëve, autoritetetet e kantonit jugor të Zvicrës u kanë bërë disa herë apel bashkatdhetarëve të tyre veriorë që të mos marrin rrugën për në Tiçino. Ata madje kanë shkruar më tej, duke kërkuar mbylljen e Gotthardit, pikës më të frekuentuar lidhëse në mes të veriut dhe jugut.
Kjo, për të shmangur rrezikun nga koronavirusi, pandemi kjo që më së rëndi e ka goditur pikërisht këtë kanton, për shkak të afërsisë me Italinë.
Tani, një apel i tillë zviceranëve u ka ardhur edhe nga Stefan Blättler, Presidenti i Konferencës së komandantëve Kantonalë të policisë, transmeton albinfo.ch. “Në rrugën për në Tiçino do të ushtrohen kontrolle të vërteta”, ka thënë ai në konferencën për shtyp që u mbajt në pasditen e sotme.
“Sigurisht, pasi që nuk ka ndalim shprehimor, ne nuk mund të parandalojmë askënd të udhëtojë në Tiçino, përcjell albinfo.ch. Por ne do t`i ndalojmë dhe do t`i kthejmë mbrapsht të gjithë ata që drejt Tiçinos janë nisur me makina kampimi, “pasi të gjitha kampet në Ticino janë të mbyllura”, ka thënë Blättler.
Të ngjashme
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?