Shërohet plotësisht 101-vjeçari nga Britania e Madhe

Një burrë 101-vjeçar që rezultoi pozitiv me coronavirus, është rikthyer në shtëpi, pasi u shërua plotësisht nga kjo sëmundje.

Sipas mediave të huaja, Keith Watson nga Worcestershire i Anglisë fillimisht u pranua në spital për një operacion në këmbën e tij, e që më pas u testua për Covid-19, pasi kishte temperaturë të lartë.

“Jo vetëm operacioni, mirëpo me të dëgjuar që rezultoi pozitiv me coronavirus, mendimet na u zbehën e ishim shumë keq”, tha reja e tij Jo Watson.

“Për moshën që ka, është jashtëzakonisht i fortë”, është shprehur ajo.

Watson tha që vjehrri i saj ishte kthyer në shtëpinë e tij të kujdesit, pasi kaloi dy javë në spital.

“Ka dhimbje në këmbë, por asgjë më shumë”, shton reja e 101 vjeçarit.

Një postim në Facebook nga “Worcestershire Acute Hospital Hospital NHS Trust”, në lidhje me Keith Watson është shpërndarë deri më tani 3,000 herë.

---