Kosova

102 persona të shëruar nga koronavirusi në Kosovë

E hënë, 20 Prill 2020 - 9:40 albinfo.ch

Keystone

Instituti i Shëndetit Publik të Kosovës ka konfirmuar mbrëm se janë shëruar edhe nëntë persona nga koronavirusi në Kosovë, duke shkuar kështu në 102 numrin e të shëruarve.

Numri total i të shëruave ka arritur në 102 dhe pritet shtimi i numrit të tyre.

Më 19 prill 2020 janë shëruar edhe nëntë (9) pacientë, bazuar në rekomandimet e OBSH-së, ku dy mostra rezultojnë negative me së paku një ditë distancë kohore. Numri i përgjithshëm i të shëruarve deri më sot është gjithsej njëqind e dy (102).

Nga data 08 shkurt deri më 19 prill 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 4.656 mostra të dyshimta në virusin SARS-CoV-2 dhe prej tyre, pozitive rezultojnë gjithsej pesëqind e gjashtëdhjetë e një (561) me dymbëdhjetë (12) raste të vdekjes, të cilët kanë pasur sëmundje të tjera shoqëruese. /Albinfo.ch