Vëllezërit Shoshi nga Zvicra ndihmojnë fshatin e tyre në kohë pandemie

“2000 franga nga Arsen dhe Arben Shoshi nga Cyrihu.” Kështu shkruan në njoftimin e Shoqatës “Skivjani” nga Gjakova.

Donacionet e vëllezërve Shoshi vijnë si ndihmë emergjente për përballimin e pasojave të shkaktuara nga Virusi Korona në fshatin Skivjan të Gjakovës.

“Tani Shoqata “Skivjani” falënderojmë nga zemra kontributin e vëllezërve Shoshi,

Vëllezërit Shoshi gjithnjë e gjithmonë kanë qenë mbështetës dhe kontribuues për të mirën e vendit dhe të fshatit, Vëllezërit Shoshi janë shembull që duhet të ndiqen nga të tjerët.”, thuhet në njoftimin e Shoqatës.

Vëllezërit ndërmarrës Arsen dhe Arben Shoshi dallohen jo vetëm me suksesin e tyre në biznes në Zvicër por edhe për solidaritetin e tyre në mbështetje të njerëzve me nevojë në Kosobë.

Megjithëse një kohë të gjatë jetojnë dhe veprojnë në Zvicër, vëllezërit Shoshi nuk kanë harruar asnjëherë rrënjët prej nga vijnë.

Arsen Shoshi që është edhe drejtor për investime dhe anëtar i bordit “Benedict Education Group” ka ndihmuar edhe shumë studentë kosovarë që të kryejnë shkollimin e tyre në Zvicër.

---