Bashkëshortja e ambasadorit Kosnett i del në mbrojtje Kurtit

Alison, bashkëshortja e ambasadorit Kosnett, në mbrojtje të kryeministrit në detyrë Albin Kurtit: Ai ka të drejtë

Alison Kosnett, bashkëshortja e ambasadorit amerikan në Kosovë, Phillip Kosnett, i ka dalë në mbrojtje kryeministrit në detyrë, Albin Kurtit.

Ajo në një reagim të shkurtër në Facebook ka thënë se Kurti ka të drejtë, pasi sipas saj, çlirimi i shtetit të kapur është i mundur.

“Ai ka të drejtë. Çlirimi i shtetit të kapur është i mundur”, ka shkruar ajo.

Postimin e saj për Kurtin e ka edhe shpërndarë këshilltari i kryeministrit në detyrë, Driton Tali.

Ai ka falënderuar bashkëshorten e Kosnettit për reagimin e saj. Sipas Talit, njerëzit origjinal tregojnë personalitetin e tyre në rrethana si kjo.

“Njerëzit origjinalë tregojnë personalitetin e tyre në rrethana si kjo. Faleminderit Zonja Kosnett për vërtetësinë tuaj”, ka shkruar ai. /Albinfo.ch.

 

 

 

---