Italia me vendimin për hapjen e kufijve, kap Zvicrën “në befasi”

"Ministrja Keller-Sutter: "Ky është një vendim i njëanshëm nga Italia, që nuk do të thotë asgjë për Zvicrën"

Siç është shkruar tashmë, Italia ka njoftuar të shtunën në mëngjes se ajo do t`i hapë kufijtë e saj më 3 qershor. Kjo datë është më e afërt se ajo e 15 qershorit, kur ishte planifikuar hapja e kufijve të Zvicrës me Gjermaninë, Austrinë dhe Francën, shkruan srf.ch.

Rrjedhimisht, ky lajm i ka ardhur në befasi Zvicrës, e cila hapjen me Italinë e kishte menduar për një kohë më të vonshme.

Ministrja zvicerane e Drejtësisë, Karin Keller-Sutter, ka thënë në emisionin “Samstagsrundschau” të Radio sSRF se italianët ” e kishin befasuar”, përcjell albinfo.ch. “Ky është një vendim i njëanshëm nga Italia, që nuk do të thotë asgjë për Zvicrën”. Ne vendosim në mënyrë të pavarur kur Zvicra do t’i lejojë njerëzit nga Italia të hyjnë në Zvicër, ka thënë Keller-Sutter.

Në një deklarim tjetër që vjen nga Sekretariati Shtetëror për Migracionin (SEM), po për hapjen e kufijve nga Italia  thuhet se “për javën tjetër planifikohen bisedime bilaterale për lehtësimin e mundshëm në kufi, transmeton albinfo.ch. <2Qëllimi është të koordinohen hapat e mundshëm lehtësues. Sapo të merren vendimet, ato do të komunikohen”.

---