Lajme
Disa restorante u kërkojnë mysafirëve 2 franga shtesë, “në emër të koronës”
"Nuk është në rregull të informoni mysafirin për tarifën e shtuar vetëm atëherë kur të jetë bërë fatura. Ai më pas ka të drejtë të refuzojë të paguajë çmimin"
Për shkak të shpenzimeve shtesë që janë detyruar t`i bëjnë për sigurimin e masave higjienike, disa restorante në Gjenevë dhe Cyrih u ngarkojnë klientëve të tyre një “shtesë të koronës” prej dy frangash. Kështu kanë raportuar sot gazetat “24 Heures” dhe “20 Minuten”, transmeton albinfo.ch.
Një menaxhuese restoranti në Cyrih e shpjegon kështu këtë veprim: “Ne e konsiderojmë shtesën prej dy frangash për person si një shumë të drejtë. Kriza e koronavirusit ishte shumë drastike për biznesin tonë familjar, por ne nuk kemi pse të shtojmë çmimet në atë mënyrë”.
Monitoruesi federal i çmimeve, Stefan Meierhans, e sheh si të ligjshëm reagimin në fjalë, përcjell albinfo.ch. “Pagesat shtesë nuk është se janë të papranueshme, por megjithatë, ato nuk janë shumë të pëlqyeshme. Në rastet kur kjo tashmë ka ndodhur, drejtuesit e lokaleve duhet ta komunikojnë këtë shtesë në një mënyrë të përshtatshme para mysafirëve të tyre”.
Sara Stalder, drejtuese e fondacionit për mbrojtjen e konsumatorit, ka një mendim të ngjashëm, por gjithashtu thotë: “Nuk është në rregull të informoni mysafirin për tarifën e shtuar vetëm atëherë kur të jetë bërë fatura. Ai më pas ka të drejtë të refuzojë të paguajë çmimin”.
Megjithatë, sipas një studimi të bërë nga Gastrosuisse, ky është pak a shumë një fenomen margjinal: 87 për qind e lokaleve nuk i kanë “përshtatur” çmimet e tyre.
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
AAK – dega në Zvicër zgjedh strukturat drejtuese Kryetari i Aleancës për Ardhmërinë e Kosovës, Ramush Haradinaj, ka njoftuar se dega në Zvicër e...
-
Incidentet raciste në Zvicër – në rritje, veçanërisht në shkolla
-
Si mund të ndikojnë tek ju dy referendumet vendimtare të sigurimeve shëndetësore në Zvicër?
-
Bujtinat e të rinjve në Zvicër kanë shënuar rekord netqëndrimi në vitin 2023
-
Zvicër: Gjobiten rëndë dy shoferë, pasi postuan videot në rrjetet sociale