Lajme
40% e të sëmurëve në stacionet intensive në Zvicër, më të rinj se 60 vjeç
40 për qind e pacientëve që ishin sëmurë rëndë me Covid-19, gjegjësisht ishin shtruar në stacione intensive, ishin nën 60 vjeç. Një e treta nuk kanë pasur sëmundje të mëparshme
Është një perceptim i përhapur se për shkak të sëmundjes Covid-19, vetëm njerëzit e moshuar duhet të trajtohen në njësinë e kujdesit intensiv. Por bëhet fjalë për një paragjykim.
Këtë e tregojnë shifrat e Shoqatës Zvicerane për Kujdesin Intensiv, të publikuara nga emisioni i lajmeve “tagesschau”, i transmetuesit publik të Zvicrës, SRF.
Sipas këtyre shifrave, 40 për qind e pacientëve që ishin sëmurë rëndë me Covid-19, gjegjësisht ishin shtruar në stacione intensive, ishin nën 60 vjeç, transmeton albinfo.ch. Dhe nga këta, rreth një e treta nuk kishin madje as sëmundje të mëparshme, sipas raportit të Tagesschau.
Edhe nën 50 vjeçarët jane të prekur dhe mjaft nga ata janë të sëmurë rëndë. Ata përbëjnë një të gjashtën e pacientëve të shtruar në stacionet e kujdesit intensiv, thotë specialisti i mjekësisë intensive në Spitalin universitar të Cyrihut, Peter Steiger.
E gjithë kjo tregon se virusi korona gjithashtu mund të godasë fort edhe njerëz të rinj dhe të shëndetshëm. Megjithatë, personat nën 60 vjeç zakonisht i mbijetojnë sëmundjes, konstatohet nga shoqata e përmendur.
Shumica dërrmuese e pacientëve në njësinë e kujdesit intensiv, përfshirë edhe pacientët më të rinj, kalojnë një kurë të zgjatur shërimi, përcjell albinfo.ch. Edhe më pas ata vazhdojnë të jenë të shtruar në “stacione” normale për një kohë të caktuar, thotë Antje Heise, nënkryetare e shoqatës së mjekësisë intensive të Zvicrës. Pas gjithë kësaj, megjithatë, ata nuk mund të ri-integrohen aq shpejt në jetën e punës.
Të ngjashme
Të tjera nga Lajme
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
OECD: Aktiviteti i ngadaltë ekonomik ngadalëson rritjen në Zvicër Aktiviteti i ngadaltë ekonomik po rëndon rritjen, me Produktin e Brendshëm Bruto (PBB) të Zvicrës që...
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit
-
Fillon Programi kundër ngacmimit në Gjenevë