Në tremujorin e parë të vitit 2020, 150 kosovarë marrin pasaporta austriake

Kosovarët vazhdojnë të pajisen me pasaporta austriake. Vetëm në tre mujorin e parë të këtij viti, janë pajisur 150 kosovarë.

Trendi i rritjes së shifrave të natyralizimit që është vërejtur që nga viti 2011 së paku ka përfunduar. Statistikat e Austrisë njoftuan se shtetësia austriake iu dha 2,451 personave në tre muajt e parë të vitit 2020. Kjo do të thotë që natyralizimet ishin 11.3 për qind më pak se në të njëjtën periudhë të një viti më parë (2,764 natyralizime), shkruan orf.at, transmeton Albinfo Austria.

Rreth gjysma (47.6 për qind) e austriakëve të rinj në tremujorin e parë të vitit 2020 ishin shtetas të Serbisë (327), Bosnjë e Hercegovinës (291), Turqisë (226), Kosovës (150) dhe Afganistanit (87 para natyralizimit) ose Rumania (86). Më shumë se një e treta e njerëzve të natyralizuar janë lindur në Austri (942 ose 38.4 për qind).

Rritja më e lartë, ishte në Vjenë

Shumica e natyralizimeve u zhvilluan në Vjenë, ku pati 986 raste. Sidoqoftë, në kryeqytetin austriak, pati një rënie prej 21.9 për qind në krahasim me tremujorin e parë të një viti më parë. Rritjet relative ishin më të theksuara në Kärnten (plus 24.1 për qind në 103 natyralizime), e ndjekur nga Austria e Ulët (plus 21.6 në 406) dhe Austria e Epërme (plus 4.6 në 412).

Austria e Epërme dhe ajo e Ulët ishin në vendin e dytë dhe të tretë pas Vjenës për numrin e natyralizimeve. Në fund të listës është Burgenland, ku natyralizimi u ul me 84.6 për qind. Në tre mujorin e parë të këtij viti, vetëm tetë vetë kanë marrë nënshtetësi austriake.

 

---