Koronavirusi: çast pas çasti

Zemaj: Shumë shpejt do të shpërndajmë manualin kundër Covid-19

E diel, 14 Qershor 2020 - 16:55 albinfo.ch

Facebook

Ministri i Shëndetësisë, Armend Zemaj, ka njoftuar se shumë shpejt do të shpërndahet manuali për mbrojtjen nga përhapja e virusit COVID-19.

Përmes këtij manuali, ku do të bëhen të ditura edhe udhëzimet e përkohshme për aplikimin e masave për parandalimin dhe luftimin e COVID-19, në institucionet publike, gjithashtu edhe në ato private.

Ky është statusi i Zemajt:

Të nderuar qytetarë,

Sot, ne gjithë së bashku duhet të kemi më shumë kujdes, sepse duke u kujdesur për vete, ne kujdesemi për njëri-tjetrin.

Në vizitën e bërë në Qendrën Infektive bashkë me Prof. Naser Ramadanin, ku stafi drejtues i Qendrës Infektive na njoftoi nga afër me gjendjen e pacientëve, e cila nuk është stabile.

Për stafin mjekësor bashkëndjejmë lodhjen e tyre si dhe i inkurajojmë që punën profesionale ta vazhdojnë deri në fundin e pandemisë.

Në ditët në vijim do të shpërndajmë manualin për mbrojtjen nga përhapja e virusit COVID-19, ku do t`i gjeni edhe udhëzimet e përkohshme për aplikimin e masave për parandalimin dhe luftimin e COVID-19, në institucionet publike, gjithashtu edhe në ato private.

Shpresojmë që me këtë manual qytetarëve të Republikës së Kosovës dhe institucioneve publike dhe atyre private, ua bëjmë të qartë rregullat e përgjithshme dhe ua sqarojmë të gjitha rregullat në lidhje me lirinë e lëvizjes dhe respektimit të tyre me qëllim të parandalimit dhe përhapjes së pandemisë COVID-19.

U bëjmë lutje të gjithë qytetarëve që t’u shmangen kontakteve me njëri-tjetrin, ta ruajnë distancën dhe të mirëmbahet higjiena personale.

Bashkë do t’ia dalim.