Futboll
Valon Berisha zbulon objektivin kryesor
Futbollisti kosovar synon ta sigurojë mbijetesën në Bundesligë me Fortuna Dusseldorfin. Ai është i fokusuar totalisht në ndeshjen e fundjavës ndaj Union Berlinit.
Valon Berisha është i fokusuar në ndeshjen vendimtare të sezonit me skuadrën e tij, Fortuna Dusseldorf, shkruan Gazeta Express.
Skuadra e futbollistit kosovar do ta zhvillojë ndeshjen e fundit të sezonit me Union Berlinin në udhëtim gjatë fundjavës që po vjen.
Aktualisht, Fortuna është e 16-ta në tabelën e Bundesligës, me 30 pikë dhe gjendet në zonën e barazhit, dy pikë më shumë se Werder Bremeni i Milot Rashicës.
Prandaj, Dusseldorfit i nevojitet një rezultat i favorshëm në Berlin, në mënyrë që të përfundojë në “Play-Off”.
Në të kundërtën, një humbje eventuale e ekipit të Berishës dhe një fitore e Rashicës me shokë do të bënte që Fortuna të binte direkt nga liga.
“Një ekip, një objektiv. Loja e fundit e sezonit po vjen”, ka shkruar përfaqësuesi kosovar në Instagram.
Berisha është i huazuar në Fortuna Dusseldorf nga Lazio.
Ai synon të mbetet në Bundesligë me ekipin aktual dhe ta vazhdojë karrierën aty.
Në të kundërtën, nëse Fortuna bie nga liga, ai do të detyrohet të rikthehet përkohësisht në Lazio, e më pas ta gjejë një klub të ri, pasi “Biancocelesti” nuk duken të interesuar për ta mbajtur atë në ekip.
E-Diaspora
-
Shqiptari i vë flakën vetes në Itali, në sy të gruas së tij Ngjarje e rëndë: 47-vjeçari shqiptar i vë flakën vetes në sy të gruas - ja çka...
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
Jeta në Zvicër
-
Këshilli Federal dëshiron të lehtësojë barrën mbi personelin infermieror, më pak orë pune Ministrja e Brendshme, Elisabeth Baume-Schneider, prezantoi të mërkurën ligjin e ri federal për kushtet e punës...
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas
-
Ish-këshilltari federal paralajmëron: Putini shënjestër do ta ketë edhe Zvicrën
-
Gaza: Zviceranët caktojnë afro 11 milionë franga për UNRWA