Rritje e numrit të infeksioneve në Zvicër: 58 raste në 24 orët e fundit

Të enjten ishin raportuar 52 raste të reja të konfirmuara, 44 të mërkurën, 22 të martën dhe 18 të hënën

Në Zvicër dhe Lihtenshtajn, janë raportuar 58 infeksione të reja me virusin korona brenda ditës së fundit, ka njoftuar të premten Zyra Federale e Shëndetësisë (BAG). Deri më tani ka pasur 31.486 raste të konfirmuara nga laboratori Covid-19.

Të enjten ishin raportuar 52 raste të reja të konfirmuara, 44 të mërkurën, 22 të martën dhe 18 të hënën, shkruan sda.ch. Sipas BAG, 1683 njerëz kanë vdekur deri më sot në Zvicër dhe Principatën e Lihtenshtajnit, të cilët më parë kishin pasur rezultat pozitiv nga testi  për Covid-19, transmeton albinfo.ch.

Sipas një llogaritje javore nga agjensia e lajmeve Keystone-SDA bazuar në të dhënat në faqet e internetit të kantoneve, deri më sot, e premte, në Zvicër, në lidhje me Covid-19 kanë vdekur 1961 persona. Një javë më parë, numri i të vdekurve ishte 1956.

BAG shpjegon ndryshimin midis numrave të tij dhe të burimeve tjera, me faktin se ai është duke publikuar vetëm vdekjet e konfirmuara nga laboratori për Covid 19, përcjell albinfo.ch. Një tjetër shkak për këtë ndryshim mund të jetë për faktin se zyra nuk ka regjistruar vdekjet para 16 prillit, për të cilat nuk kishte konfirmim laboratori dhe që kanë ndodhur jashtë spitaleve.

Numri i testeve të kryera për Covid-19, deri më tani ka arritur në 545,177. Rezultati i 6.9 për qind e këtyre testeve ishte pozitiv.

Sipas Task Forceës Shkencore Kombëtare Zvicerane Covid-19, po ashtu ka lëvizur (është ngritur) numri i çrregullimeve riprodhuese, d.m.th. numri i personave të infektuar me koronavirusqë nga 30 maji ka filluar të ngjitet përsëri mbi 1, transmeton albinfo.ch. Në vlerësimin e fundit, të bërë më 15 qershor ky numë ishte 1.12. Kjo do të thotë që mesatarisht 100 persona të infektuar kanë infektuar 112 persona të tjerë.

 

---