Lajme
Qeveria e Zvicrës vendos: Nga 6 korriku maskat në transportin publik bëhen të detyrueshme
Sommaruga ka bërë me dije se Këshilli Federal vendosi të fusë në fuqi detyrimin për vënie të maskave në transportin publik, nga e hëna, 6 korrik
Rritja e shpejtë e numrit të infeksioneve me koronavirus ka detyruar qeverinë e Zvicrës të përcaktohet për masa më të ashpra të mbrojtjes. Për këtë arsye në këto momente në Bernë po mbahet një konferencë për media lidhur me mbledhjen që ka pasur sot Qeveria e vendit.
Në konferencë po marrin pjesë: Presidentja Federale Simonetta Sommaruga, Ministri i Shëndetësisë Alain Berset, Ministri i Ekonomisë Guy Parmelin dhe Ministri i Financave Ueli Maurer. Ata po informojnë për vendimet e fundit të marra nga qeveria, shkruan albinfo.ch
Presidentja Simonetta Sommaruga në fjalën e saj ka kujtuar se Këshilli Federal i ka dhënë fund situatës së jashtëzakonshme dhjetë ditë më parë. Kjo përbënte sigurisht një mundësi, me kusht që kantonet të mund të veprojnë shpejt në sektorin e shëndetësisë. Por, “ndonjëherë masat lokale thjesht nuk janë të mjaftueshme. Ne gjatë ditëve të kaluara kemi parë se sa shpejt mund të përhapet virusi”.
“Transporti publik kërkonte një rregullore unike për Zvicrën, ka thënë Sommaruga, transmeton albinfo.ch. “Me detyrimin për të mbajtur maska, ne mbrojmë veten dhe qeniet njerëzore”. Prandaj Sommaruga ka bërë me dije se Këshilli Federal ka vendosur të fusë në fuqi detyrimin për vënie të maskave në transportin publik, nga e hëna, 6 korrik.
Ministri i shëndetësisë, Alain Berset thotë se ditëve të fundit ka pasur një rritje të numrave të infeksioneve.” Të gjitha vendet fqinje me Zvicrën kishin rregulla më të rrepta në lidhje me detyrimin për të vënë maskë. Hyrja në fuqi e detyrimit për vënie të maskës duhet të kuptohet si pasojë e rritjes së numrit të infeksioneve, përcjell albinfo.ch. Qëllimi është të parandalojmë një valë të dytë të pandemisë”.
Këshilli Federal, duke marrë këtë vendim, gjithashtu dëshiron të parandalojë vendosjen e masave nga kantonet veç e veç.
Të ngjashme
Të tjera nga Lajme
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Rritje 293 për qind e studentëve të huaj në Universitetin e Cyrihut ETH-të në Cyrih dhe Lozanë duhet të kursejnë para. Këshilli Federal vendosi së fundmi uljen e...
-
Nëntë kilometra bllokim trafiku përpara tunelit Gotthard
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve