Lajme
Në Aeroportin e Gjenevës, prej nesër, maskat bëhen të detyrueshme
Ndërkohë, në Aeroportin më të madh të vendit, atë të Cyrihut ende nuk është paraparë ndonjë detyrim i përgjithshëm për vënie të maskës
Që nga dita e nesërme, e martë, në të gjitha hapësirat e Aeroportit të Gjenevës, mbajtja e maskave mbrojtëse do të jetë e detyrueshme. Këtë njoftim e ka bërë publik sot përmes twitterit drejtoria e aeroportit, shkruan srf.ch.
Maskat, sipas vendimit të përmendur, duhet të barten në të gjithë sektorët e aeroportit, transmeton albinfo.ch. Këtu përfshihen si ambientet e nisjes, ashtu dhe ato të aterrimit , restorantet dhe lokalet tjera afariste në aeroport.
Aeroporti i Gjenevës është i dyti për nga madhësia në Zvicër, pas aeroportit të Cyrihut dhe para atij të Bazelit.
Ndërkohë, në Aeroportin më të madh të vendit, atë të Cyrihut ende nuk është paraparë ndonjë detyrim i përgjithshëm për vënie të maskës. Këtë përgjigje e ka dhënë për agjencinë e lajmev Keyston-SDA zyra për informim e këtij aeroporti, përcjell albinfo.ch. Po sipas kësaj zyre, edhe pa këtë vendim, që tash, shumica e pasagjerëve bartin maska.
Stafi i aeroportit gjithashtu u ka kërkuar udhëtarëve të mbajnë maska nëse nuk mund të sigurohet mbajtja e distancës, për shembull në check-in. Në disa raste, edhe kompanitë ajrore kanë marrë vendime për mbajtje të maskës. Mes tyre është edhe kompania zvicerane Swiss.
ndërkaq, EuroAirport Basel-Mulhouse-Freiburg ka vendosur më herët detyrimin për vënie të maskave mbrojtëse. Bëhet fjalë për një udhëzim nga autoritetet, përcjell albinfo.ch. Aeroporti i Bazelit, siç dihet ndodhet në tokën franceze dhe operohet bashkërisht nga Zvicra dhe Franca.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut